Bungoeng Nanggroe

Oleh : Ilyas Ismail

Peusaboh droe bungoeng sukon
Karap troh thon bungoeng mala
Bungong mirah ka duroh oen
Dilee harom canden rupa

                  Bungong orenge baro keumang
                  Dalam taman meuligoe kuta
                  Beungoh supoet na soe siram
                  Tapi sayang kumbang teuka

Bungoeng biru laen bago
Han soe pakoe saboh masa
Jinoe timoh ka meranjoe
Leu urueng toe jak kaloen rupa

                    Bungoeng hijo bak sitahon
                    Ka padum thon hantom mala
                    Bacut na bei kurueng harom
                    Bungong lam oen han deuh rupa

Peut boh bungoeng wahe adoe
Dalam naggroe timoeh meubanja
Bijeh bungoeng mula sampoe
Di luwa naggroe troeh angen ba

                  Jipoet angen sigo saho
                  Bungoeng nanggroe tawo hana
                 Tawo patah cabeung Anco
                  Dara gampong ro ie mata

Jak tapula bungoeng meujandreng
Beu meusandeng lam istana
Adek badei angen meupuseng
Bungoeng canden han tergoda

                Adak jidoeng dumna cicem
               Ngen kebei kleng jipok teuga
               Kayei raya ek taguleng
               Bintang gaseng bek jigisa

Eee peut bungong yang that tari
Doeng meriti hias bangsa
Tameusaboh doeng meriti
Peugoet neugri beu seujahtra.

(Idi, 10 Juli 2018)

Please Follow Me in Steemit.com

Leave a Reply

Your email address will not be published. Required fields are marked *